പ്രിയപ്പെട്ട പൂവേ..

പ്രിയപ്പെട്ടവളേ.. ഇന്നു ഞാൻ നിൻറെ ഓർമ്മകളെ തലയിൽ ചൂടുന്നു.. നിനക്കു നൽകാത്ത പൊയ്പ്പോയ സമയത്തെ ഓർത്തു വേദനിക്കുന്നു..നിന്നെ പറിച്ചെടുക്കുമ്പോൾ വേദനിക്കുമെന്ന ചിന്ത ഇല്ലാത്ത എന്നെ എനിക്കു നഷ്ടമായി..ഇനി എൻറെ മുടിയിൽ നീ തരുന്ന വാസന സന്തോഷിപ്പിക്കില്ല.. പകരം നഷ്ടമായ ബാല്യത്തെ ഓർമ്മിപ്പിക്കും..അമ്മ നിന്നെ ചൂടിത്തന്ന ആ കുഞ്ഞു മുടിക്കെട്ടുകളെയും നിൻറെ വിടരലിനായി ഇന്ദ്രിയങ്ങൾ ചേർത്ത എന്നെത്തന്നെയും ഞാൻ ഓർമ്മിക്കും..